අල්ලස් ලබා ගැනීමේ සිද්ධියක් සම්බන්ධයෙන් අත්අඩංගුවට ගත් ඔක්කම්පිටිය පොලීසියේ ස්ථානාධිපතිවරයා අගෝස්තු මස 18 වැනිදා දක්වා තවදුරටත් රක්ෂිත බන්ධනාගාරගත කිරීමට කොළඹ ප්‍රධාන මහේස්ත්‍රාත් අධිකරණය නියෝග කර තිබෙනවා.
ඒ අනුව, අදාළ නඩුව අද (04) කැඳවූ අවස්ථාවේදී කොළඹ ප්‍රධාන මහේස්ත්‍රාත් තනූජා ලක්මාලි ජයතුංග විසින් මෙම නියෝගය නිකුත් කර ඇති බවයි සඳහන් වන්නේ.
ඔක්කම්පිටිය ප්‍රදේශයේ පවත්වාගෙන යනු ලබන වැලි ව්‍යාපාරයක් කරදරයකින් තොරව පවත්වාගෙන යාමට සහ වැලි කැණීම් කරන ස්ථානයේ සිට ගබඩාවට ට්‍රැක්ටර් මඟින් වැලි ප්‍රවාහනය සිදු කරනු ලබන අවස්ථාවන්හිදී නීතිය මඟින් කටයුතු නොකර සිටීම සඳහා මාසිකව රුපියල් 50,000/-ක මුදලක් ඉල්ලීම සම්බන්ධයෙන් ඔහුට චෝදනා එල්ල වී තිබෙනවා.
