රජයේ මුළු ණය සහ රජයේ මුළු වත්කම් අතර පරතරය සැලකිය යුතු ප්‍රතිශතයකින් වෙනස් වී ඇති බව 2024 මුදල් අමාත්‍යාංශ වාර්ෂික වාර්තාවෙන් හෙළි වෙයි.
2023 වසර අවසන් වන විට රජයේ මුළු ණය රුපියල් බිලියන 28,720ක් වූ අතර, මුළු වත්කම් ප්‍රමාණය රුපියල්බිලියන 5,920ක් විය. ඒ අනුව රජයේ මුළු වත්කම් සහ රජයේ මුළු ණය අතර පරතරය රු. බිලියන 22,800ක් ලෙස දැක්විණි.
2024 වසර අවසන් වන විට රජයේ මුළු ණය රුපියල් බිලියන 29,252ක් වූ බවත්, මුළු වත්කම් ප්‍රමාණය රුපියල් බිලියන 8,359ක් වූ බවත් අදාළ වාර්තාව පෙන්වා දෙයි. මේ අනුව රජයේ මුළු වත්කම් සහ රජයේ මුළු ණය අතර පරතරය රුපියල් බිලියන 20,893 දක්වා පහත වැටී තිබේ.
