දේශබන්දු තෙන්නකෝන් සම්බන්ධයෙන් පත්කළ විමර්ශන කමිටුවේ වාර්තාව ඉදිරි සතියේදී කතානායකවරයා වෙත භාරදීමට නියමිතයි.
ඒ අනුව, අදාළ නිර්දේශ ඇතුළත් වාර්තාව සකස් කිරිමේ කටයුතු අවසන් අදියරේ පවතින බවයි එම කමිටුව සඳහන් කළේ.
දේශබන්දු තෙන්නකෝන් විසින් සිදුකර ඇතැයි කියන විෂමාචාර සහ සිය ධුරයේ බලතල බරපතල අන්දමින් අනිසි ලෙස යොදාගැනීම සම්බන්ධයෙන් විමර්ශනය කර වාර්තා කිරීම සඳහා පත්කල විමර්ශන කමිටුවේ සාක්ෂි වීමසීමේ කටයුතු පසුගියදා අවසන් කෙරුණා.
ශ්‍රේෂ්ඨාධිකරණ විනිසුරු ප්‍රීති පද්මන් සුරසේන මෙම කමිටුවේ සභාපති ධුරය දරන අතර, අල්ලස් හෝ දුෂණ චෝදනා විමර්ශන කොමිෂන් සභාවේ සභාපති විශ්‍රාමික විනිසුරු නීල් ඉද්දවල සහ ජාතික පොලිස් කොමිෂන් සභාවේ සභාපති ඊ.ඩබ්ලිව්.එම්. ලලිත් ඒකනායක යන අය එහි සෙසු සාමාජිකයින් වනවා.
