කතරගම පූජා නගරය ආශ්‍රිතව ප්ලාස්ටික් සහ පොලිතීන් භාවිතා කළ වෙළඳසැල් 32 කට එරෙහිව නඩු පවරා ඇති බව මධ්‍යම පරිසර අධිකාරිය පවසනවා.
මැයි 31 වැනිදා සිට මේ දක්වා සිදුකළ මෙම පරික්ෂා කිරීම් සඳහා කණ්ඩායම් 05 ක් යොදවා තිබුණු බවයි සඳහන් වන්නේ.
එහිදී වෙළෙඳසැල් 75 ක් පරික්ෂා කළ බවත්, භාවිතය තහනම් කර ඇති පොලිතීන් මල් මාලා, ප්ලාස්ටික් ද්‍රව්‍ය සහ ප්‍රමිතියෙන් තොර ලන්ච් ෂීට් තොග ආදිය සොයාගත් බවයි මධ්‍යම පරිසර අධිකාරිය සඳහන් කළේ.
දේවාල භූමියට පිටතින් රැගෙන එන පූජා ද්‍රව්‍ය තුළ ඇති ප්ලාස්ටික් මල් මාලා ඇතුලු ප්‍රමිතියෙන් තොර භාණ්ඩ භාර නොගැනීමට කටයුතු කරන ලෙස කපු මහතුන් දැනුවත් කර ඇති බවයි මධ්‍යම පරිසර අධිකාරිය වැඩිදුරටත් සඳහන් කර සිටියේ.
