ඩෙංගු සහ චිකුන්ගුන්යා රෝග ව්‍යාප්තිය අවම කිරීමේ අරමුණින්, දිවයිනේ සියලු පාසල්වල මදුරු මර්ධන වැඩසටහනක් ලබන මස 09 වැනිදා දියත් කිරීමට සැලසුම් කර තිබෙනවා.
ඒ අනුව අධ්‍යාපන අමාත්‍යාංශය සහ Clean Sri Lanka ලේකම් කාර්යාලය එක්ව සංවිධානය කරන මෙම වැඩසටහන “Clean Sri Lanka දිනය” ලෙස නම් කර ඇති බවයි සඳහන් වෙන්නේ.
රෝග ව්‍යාප්තිය වැළැක්වීම, මදුරුවන් බෝවන ස්ථාන හඳුනා ගෙන ඒවා ඉවත් කිරීම ඇතුළු ක්‍රියාකාරකම් රැසක් එදින සිදු කෙරෙන බවත්, මීට සමගාමීව මෙරට පාසල් 10,096 ආවරණය වන පරිදි චිත්‍ර හා පෝස්ටර් ප්‍රදර්ශන, දැනුවත් කිරීමේ දේශන ඇතුළු ක්‍රියාකාරකම්ද සිදු කිරීමට නියමිත බවයි වැඩිදුරටත් සඳහන් වෙන්නේ.
මේ සම්බන්ධයෙන් නිකුත් කළ නිවේදනය පහතින්.
