රනිල් හෙට CIDයට
හිටපු සෞඛ්‍ය ඇමැති කෙහෙළිය රඹුක්වැල්ල මහතාට චෝදනා එල්ලවී ඇති බාල ඖෂධ සිද්ධිය සම්බන්ධයෙන් නැවත ප්‍රකාශයක් ලබාගැනීමට හිටපු ජනාධිපති රනිල් වික්‍රමසිංහ මහතා අපරාධ පරීක්ෂණ දෙපාර්තමේන්තුව හමුවට හෙට (11) කැඳවා තිබේ. මෙම ඖෂධ සිදුවීම සම්බන්ධයෙන් රනිල් වික්‍රමසිංහ මහතා ඇතුළු එවකට පැවැති ආණ්ඩුවේ කැබිනට් මණ්ඩලයේම සාමාජිකයන්ගෙන් අපරාධ පරීක්ෂණ දෙපාර්තමේන්තුව විසින් ප්‍රකාශ සටහන්කරගෙන තිබුණි. ඒ ප්‍රශ්න ගත ඖෂධ ආනයනය කිරීම හා මිලදී ගැනීම සම්බන්ධයෙන් වූ කැබිනට් තීරණයට අදාළ කරුණු සම්බන්ධයෙන් එහිදී එවකට කැබිනට් මණ්ඩලයේ සාමාජිකයන්ගෙන් ප්‍රකාශ ලබාගෙන තිබුණි.
අපරාධ පරීක්ෂණ දෙපාර්තමේන්තුව විසින් ඖෂධ සිදුවීම සම්බන්ධයෙන් හිටපු ජනාධිපති රනිල් වික්‍රමසිංහ මහතාගෙන් ප්‍රකාශ සටහන්කර ගැනීමට සූදානම් වන්නේ දෙවැනි වරටය.
ගයාන් කුමාර වීරසිංහ
