පරිපූරක පරිපූරක වෛද්‍ය වෘත්තීයවේදීන් විසින් ආරම්භ කර තිබුණු වැඩ වර්ජනය අද (07) උදෑසන 8.00ට අවසන් කිරීමට පරිපූරක වෛද්‍ය වෘත්තීයවේදීන්ගේ ඒකාබද්ධ බල මණ්ඩලය තීරණය කර තිබේ.
එම වර්ජනයෙන් රෝගීන්ට වන අපහසුතාවට සැලකිල්ලට ගනිමින් සිය සංගම් පහෙන් සංගම් 04ක් වර්ජන ක්‍රියාමාර්ගය අවසන් කිරීමට තීරණය කළ බවයි එහි ලේකම් චානක ධර්මවික්‍රම පැවසුවේ.
වැඩ වර්ජනය අවසන් කිරීමට තීරණය කළද, වෛද්‍ය රසායනාගාර වෘත්තිකයන් තවදුරටත් වර්ජනයේ නිරත වන බවද ඔහු සඳහන් කළා.
කෙසේ වෙතත්, සිය ඉල්ලීම් සඳහා විසඳුම් ලබා නොදෙන්නේ නම්, තාවකාලිකව නතර කිරීමට පියවර ගත් වැඩ වර්ජනය ඉදිරියේදී නැවත ආරම්භ කිරීමට පියවර ගන්නා බවයි පරිපූරක වෛද්‍ය වෘත්තීයවේදීන්ගේ ඒකාබද්ධ බල මණ්ඩලයේ ලේකම් චානක ධර්මවික්‍රම වැඩිදුරටත් පවසා සිටියේ.
