ලබන මස 10 වැනිදා දක්වා ලුණු ආනයනය කිරීමට හැකි වන පරිදි ගැසට් පත්‍රයක් නිකුත් කර ඇති බව ආනයන පාලක ජනරාල් උපුල්මලී ප්‍රේමතිලක පවසනවා.
ඒ අනුව ලුණු ආනයනය කිරීම සදහා බලපත්‍රයක් අවශ්‍ය නොවන අතර, සෞඛ්‍ය අමාත්‍යාංශයේ නිර්දේශ ඇති ඕනෑම ආනයනකරුවෙකුට ලුණු ගෙන්විය හැකි බවයි ඇය සඳහන් කළේ.
ඒ යටතේ, අයඩිනීකරණය කර නොමැති ලුණු සහ කෑමට ගන්නා ලුණු ආනයනය කිරීමට හැකියාව ඇති බවද ආනයන පාලක ජනරාල් උපුල්මලී ප්‍රේමතිලක වැඩිදුරටත් ප්‍රකාශ කර සිටියා.
