පසුගිය දිනවල සංවිධානය කරන ලද දන්සැල්වලින් බැහැර කරනු ලබන කැලිකසළ නිසි ක්‍රමවේදයන්ට අනුව බැහැර කරන ලෙස දන්සැල් සංවිධායකවරුන්ගෙන් ඉල්ලා සිටින බව මහජන සෞඛ්‍ය පරීක්ෂකවරුන්ගේ සංගමය පවසනවා.
පසුගිය දිනවල දන්සල් පරික්ෂා කිරීම්වලදී පොලිතින් හා ප්ලාස්ටික් වැඩිපුර භාවිතා කර තිබුණු බවත්, එම පොලිතීන් නිසි අයුරින් බැහැර නොකළහොත් පරිසරයට හානි සිදුවන බව හා මදුරුවන් බෝවීම සිදු වන බවයි එහි සභාපති උපුල් රෝහණ සඳහන් කළේ.
මේ දිනවල පැතිර යන ඩෙංගු හා චිකන්ගුන්යා රෝග පාලනය කිරීම සඳහා කැලිකසළ නිසි ලෙස කළමනාකරණය කිරීම වැදගත් බවද ඔහු වැඩිදුරටත් ප්‍රකාශ කළා.
