නීති විරෝධීව මෙරට මුහුදු සීමා උල්ලංඝනය කරමින් මසුන් ඇල්ලු ඉන්දීය ධීවරයින් පිරිසක් අද (13) අලුයම ඩෙල්ෆ්ට් දූපත මුහුදු තීරයේදී ශ්රී ලංකා නාවික හමුදාව විසින් අත්අඩංගුවට ගෙන ඇත.
මෙම ධීවරයින් ඉන්දියාවේ රාමේෂ්වරම් ධීවර වරායෙන් මසුන් ඇල්ලීම සඳහා පැමිණ ඇති බව වාර්තා වේ.
මෙරට මුහුදු සීමා නීති උල්ලංඝනය කරමින් මසුන් ඇල්ලීමේ චෝදනාව මත මෙම ඉන්දීය ධීවරයින් දසදෙනා සහ ඔවුන්ගේ යාත්රාව මෙලෙස අත්අඩංගුවට ගෙන තිබේ.
අත්අඩංගුව ගත් එම පිරිස සහ යාත්රාව කරෙයිනගර් නාවික හමුදා කඳවුර වෙත රැගෙන ගොස් ඇති බව සඳහන් වේ.
එමෙන්ම ඔවුන් සහ ධීවර යාත්රාව, ධීවර හා ජලජ සම්පත් දෙපාර්තමේන්තුව වෙත භාරදීමට නියමිත අතර පසුව අධිකරණයට ඉදිරිපත් කිරීමට නියමිතය.
