අද (30) උදෑසන 9.30 වන විට දිවයින පුරා ප්‍රධාන ගංගාවල ජල මට්ටම සහ වර්ෂාපතන තත්ත්වය පිළිබඳ වාරිමාර්ග දෙපාර්තමේන්තුව විසින් නිවේදනයක් නිකුත් කර තිබෙනවා.
ඒ අනුව, අද පෙරවරු 9.30 වන විට කැලණි ගඟේ නාගලගම්වීදිය ජල මාපකයේ අගය අඩි 7.20 ක් ලෙස වාර්තා වී ඇති අතර, හංවැල්ල ජල මාපකයේ අගය 10.82 ක් ලෙස වාර්තා කරමින් තරමක් ජලය අඩු වුවද තවමත් අධි අවදානම් ගංවතුර මට්ටමක් ලෙස වාර්තා වී තිබෙනවා.
එසේම කළු ගඟේ කළු ඇල්ල ජල මාපකයේ අගය අඩි 7.97 ක අගයක් වාර්තා කරමින් තවමත් අධි ගංවතුර අවදානමක පවතින අතර, පුතුපාන ජල මාපකයේ අගය අඩි 4.20 ක අගයක් වාර්තා කරමින් සුළු ගංවතුර තත්ත්වයක පවතිනවා.
යාන් ඔය හොරොව්පොතාන ජල මාපකයේ අගය අඩි 7.58 ක අගයක් වාර්තා කරමින් සුළු ගංවතුර තත්ත්වයක පවතින අතර, අත්තනගලු ඔය දූනමලේ ජල මාපකයේ අගය අඩි 5.34 ක අගයක් වාර්තා කරමින් සුළු ගංවතුර තත්ත්වයක පවතින බවයි වැඩිදුරටත් සඳහන් වෙන්නේ.
