ජනවාරි සිට මේ දක්වා මත්ද්‍රව්‍ය සම්බන්ධයෙන් චෝදනා එල්ල වූ පොලිස් නිලධාරීන් 68 දෙනෙකුගේ වැඩ තහනම් කර තිබෙන බව මහජන ආරක්ෂක හා පාර්ලිමේන්තු කටයුතු අමාත්‍ය ආනන්ද විජේපාල ප්‍රකාශ කරනවා.
මෙම නිලධාරීන්ට චෝදනා එල්ල වී ඇත්තේ මත්ද්‍රව්‍ය භාවිතා කිරීම හා මත්ද්‍රව්‍ය ළඟ තබා ගැනීම සම්බන්ධයෙන්.
මෙම වැඩ තහනමට ලක් වූ නිලධාරීන් සම්බන්ධයෙන්ද වැඩිදුර විමර්ශන කටයුතු ආරම්භ කර ඇති බවත් ඊට අමතරව මත්ද්‍රව්‍යවලට සම්බන්ධ නිලධාරීන් සිටිනවාද යන්න තවත් පරීක්ෂණ කටයුතු සිදු කෙරෙන බවත් ආනන්ද විජේපාල අමාත්‍යවරයා වැඩිදුරටත් ප්‍රකාශ කළා.
