බැංකු සංශෝධන පනත් කෙටුම්පත පිළිබඳ විවාදයේදී අදහස් දැක්වීමට නම් කෙරුණු ආණ්ඩු පක්ෂයේ සහ විපක්ෂයේ මන්ත්‍රීවරුන් සභා ගර්භයේ නොසිටීම හේතුවෙන් පාර්ලිමේන්තුවේ කටයුතු අද සවස 4.00 දක්වා කල් තබා තිබෙනවා.
ඒ අනුව විවාදයේදී අදහස් දැක්වීමට නියෝජ්‍ය කතානායකවරයා විපක්ෂයේ මන්ත්‍රීවරුන් පහළොස් දෙනෙකුගේද, ආණ්ඩු පක්ෂයේ මන්ත්‍රීවරුන් හය දෙනකුගේද නම් සඳහන් කළ ද එම කිසිඳු මන්ත්‍රීවරයෙක් සභා ගර්භයේ නොසිටි බවයි වාර්තා වෙන්නේ.
මේ හේතුවෙන් පාර්ලිමේන්තුවේ කටයුතු අද සවස 4.00 දක්වා කල් තැබීමට නියෝජ්‍ය කතානායක අජිත් රාජපක්ෂ තීරණය කළා.
