ව්‍යාජ මුදල් නෝට්ටු මුද්‍රණාලයක් පවත්වාගෙන ගිය යුදහමුදා විශ්‍රාමික කර්නල්වරයකුගේ පුත්‍රයෙකු රුපියල් 5000ක හොර මුදල් නෝට්ටු 30ක් සහ එක් පැත්තක් මුද්‍රණය කළ නෝට්ටු 10ක් සමඟ අත්අඩංගුවට ගත්බව එගොඩඋයන පොලිසිය පවසයි. මෙසේ අත්අඩංගුවට ගෙන ඇත්තේ වාද්දුව මොල්ලිගොඩ ප්‍රදේශයේ පදිංචි 47 හැවිරිදි පුද්ගලයකු බව පොලිසිය කීය. ලද තොරතුරක් මත පොලිස් කණ්ඩායම එගොඩඋයන වටරවුම ආසන්නයේ දී සැකකරු පරීක්ෂා කිරීමේ දී රුපියල් 5000 ව්‍යාජ මුදල් නෝට්ටු 10 ක් සොයාගෙන සැකකරුගේ නිවස පරීක්ෂා කිරීමේදී තවත් මුදල් නෝට්ටු 20ක්, එක් පැත්තක් මුද්‍රණය කළ නෝට්ටු 10ක් සහ මුද්‍රණ යන්ත්‍රයක් තීන්ත බෝතල් 2ක්, කටර් එකක්, අඩි කෝදුවක් මුද්‍රණ කඩදාසි 10ොක් ඇතුළු උපකරණ ද සොයාගත් බව බව පොලිසිය කීය.
සැකකරු මොරටුව මහේස්ත්‍රාත් අධිකරණයට ඉදිරිපත් කිරීමට නියමිතව තිබූණි.
ජ්‍යෙෂ්ඨ පොලිස් අධිකාරී මංගල දෙහිදෙනිය, සහකාර පොලිස් අධිකාරී තරිඳු අනුරංග යන මහත්වරුන්ගේ උපදෙස් පරිදි ස්ථානාධිපති පොලිස් පරීක්ෂක අනිල් මාසකෝරාල මහතාගේ ප්‍රධානත්වයෙන් දූෂණ මර්දන අංශ ස්ථානාධිපති පොලිස් පරීක්ෂක බණ්ඩාර, කොස්තාපල් 102110 එවන්ත, පොකොරි 17072 ඩයස් වැටලීමට එක්වූහ.
