කොටහේන පරමානන්ද පුරාණ මහා විහාරයේ සති පිරිත් පින්කම දේවදූත පෙරහර මහ ඉහළින්

කොළඹ 13 කොටහේන පරමානන්ද පුරාණ මහා විහාරස්ථානයේ වාර්ෂිකව සිදු කරන සති පිරිත් පින්කම, දේවදූත පෙරහර හා දොරකඩ අස්න අනුශාසනාව පසුගියදා පැවැත්විණි.

අනාදිමත් කාලයක සිට කරන මේ පුණ්‍යකර්මය ධර්ම දේශනා මාලාවකින් ආරම්භ විය. මේ කටයුතු වත්මන් විහාරාධිපති තඹවිට විමලවංශ නාහිමියන්ගේ මෙහෙයවීම මත සිදුවුණහ. වර්ෂ 1800 කාලයේදී පමණ ආරම්භ කරන්න යෙදුණු මේ සති පිරිත් පින්කමේ මූලික අරමුණ ආදී කර්තෘන් වහන්සේලා සිහිකිරීමත් මියගිය දායක සැමට පින් පැමිණවීමත්ය.

සතියක් පුරාවට මහ සඟරුවන පනස් නමකට ආසන්න පිරිසක් පන්සලේ වැඩ සිටි අතර දායක පින්වතුන් හා අවට විහාරස්ථානවලින් ද දානමාන ගිලන්පස පූජා කෙරිණි. පිරිත් පින්කම සඳහා දඹදෙණිය රජමහ විහාරස්ථ සසුන් මඟ සංවිධානයේ මහ සඟරුවන එක්වූහ. මෙවර අනුශාසනා අස්න පවත්වනු ලැබුවේ බණ්ඩාරගම රයිගම කහබිලියාවත්ත ශ්‍රී ලේඛනාරාමාධිපති කෙසෙල්හේනාවේ ධම්මතිලක හිමියන් විසිනි.

Leave a Reply

Your email address will not be published. Required fields are marked *