‘Pekoe trail’ ව්‍යාපෘ­ති­යෙන් කිලෝ­මී­ටර 300ක සංචා­රක මංපෙ­තක්

ශ්‍රී ලංකාවේ සංචා­රක කර්මා­න්තය නඟා­සි­ටු­වීම සඳහා ක්‍රියා­ත්මක කිරී­මට යෝජිත ‘Pekoe trail’ ව්‍යාපෘ­තිය පිළි­බඳ ප්‍රගති සමා­ලෝ­චන රැස්වී­මක් ජාතික ආර­ක්ෂාව පිළි­බඳ ජනා­ධි­පති ජ්‍යෙෂ්ඨ උප­දේ­ශක හා ජනා­ධි­පති කාර්ය මණ්ඩල ප්‍රධානි සාගල රත්නා­යක මහ­තාගේ ප්‍රධා­න­ත්ව­යෙන් ජනා­ධි­පති කාර්යා­ල­යේදී පසු­ගි­යදා (19) පැවැ­ත්විණ.

‘Pekoe trail’ ව්‍යාපෘ­තිය යටතේ කිලෝ­මී­ටර 300ක පමණ සංචා­රක මංපෙ­තක් ඇති කිරී­මට බලා­පො­රොත්තු වන අතර මෙම ව්‍යාපෘ­ති­යට ගෝලීය වශ­යෙන් ඉම­හත් ප්‍රසි­ද්ධි­යක් ලැබී ඇති බවත් එය ශ්‍රී ලංකාවේ තේ කර්මා­න්තයේ දියු­ණු­වට විශාල පිටි­ව­හ­ලක් වනු ඇති බවත් මෙම අව­ස්ථා­වට එක් වූ Pekoe trail කණ්ඩා­යම පැහැ­දිලි කළේය.

එමෙන්ම මෙතෙක් ශ්‍රී ලංකාව සංචා­රක ගම­නා­න්ත­යක් ලෙස නොස­ල­කන සංචා­ර­ක­යන් ආක­ර්ෂ­ණය කර ගැනී­මට මෙම ව්‍යාපෘ­තිය උප­කාරී වනු ඇති බව ද ඔවුහු පෙන්වා දුන්හ.

මෙහිදී අද­හස් දක්ව­මින් සාගල රත්නා­යක මහතා සඳ­හන් කර සිටියේ ශ්‍රී ලංකා­වට ඉතා වැද­ගත් ව්‍යාපෘ­ති­යක් ලෙස මෙම ව්‍යාපෘ­තිය වෙත ජනා­ධි­පති රනිල් වික්‍ර­ම­සිංහ මහ­තාගේ විශේෂ අව­ධා­න­යක් යොමුව ඇති බවයි.

එබැ­වින් මෙම ව්‍යාපෘ­තිය ක්‍රියා­ත්මක කිරී­මේදී පැන­නැඟී ඇති නීති­මය හා අනෙ­කුත් ගැටලු පිළි­බඳ අදාළ පාර්ශ්ව සමඟ සාකච්ඡා කර විස­ඳුම් ලබා­ගත යුතු බවත් මෙම ව්‍යාපෘ­තිය සාර්ථක කර ගැනී­මට සාමූ­හි­ක­ත්ව­යෙන් කට­යුතු කිරීම වැද­ගත් බවත් සාගල රත්නා­යක මහතා පෙන්වා දුන්නේය.

ඒ අනුව මෙම ව්‍යාපෘ­තිය හා සම්බන්ධ ප්‍රාදේ­ශීය වතු සමා­ගම් සහ අනෙ­කුත් රේඛීය ආය­ත­න­වල නියෝ­ජි­ත­යන් සමඟ සාකච්ඡා කර කඩි­නම් විස­ඳුම් ලබා ගැනී­මට කට­යුතු කරන ලෙස ද සාගල රත්නා­යක මහතා අදාළ නිල­ධා­රීන්ට උප­දෙස් දෙනු ලැබීය.

රාජ්‍ය වැවිලි, ව්‍යව­සාය ප්‍රති­සං­ස්ක­රණ කැබි­නට් නොවන අමා­ත්‍යාං­ශයේ ලේකම් එම්.එම්.එස්.එස්.බී යාලේ­ගම මහතා, ශ්‍රී ලංකා සංචා­රක සංව­ර්ධන අධි­කා­රියේ නිල­ධා­රින්, ප්‍රාදේ­ශීය වතු සමා­ග­ම්වල නියෝ­ජි­ත­යන්, Pekoe trail කණ්ඩා­යමේ සාමා­ජි­ක­යන් ඇතුළු රේඛීය ආය­ත­න­වල නිල­ධා­රීන් පිරි­සක් මෙම අව­ස්ථා­වට සහ­භාගි වූහ.

Leave a Reply

Your email address will not be published. Required fields are marked *