‘සුර­ක්ෂිත හෙටක්’ දීප ව්‍යාප්තව ක්‍රියා­ත්මක කිරී­මට සැල­සුම්

පාසල් ප්‍රජාව තුළ මත්ද්‍රව්‍ය නිවා­ර­ණය කිරී­මට සම්ප­ත්දා­ය­ක­යන් ලෙස තරුණ ප්‍රජාව සම්බන්ධ කර­ගැ­නීමේ ‘සුර­ක්ෂිත හෙටක්’ දීප ව්‍යාප්ත වැඩ­ස­ට­හන යටතේ සර­සවි සිසුන් සහ යෞවන සමාජ තරුණ තරු­ණි­යන් බඳවා ගැනීමේ සමා­ර­ම්භක වැඩ­ස­ට­හන වැඩ බලන පොලි­ස්පති දේශ­බන්දු තෙන්න­කෝන් මහ­තාගේ ප්‍රධා­න­ත්ව­යෙන් මහ­ර­ගම ජාතික තරුණ සේවා සභා ශ්‍රව­ණා­ගා­රයේ දී පෙරේදා (20) පැවැ­ත්විණි.

යුක්තිය මෙහෙ­යු­මට සම­ගා­මීව ශ්‍රී ලංකා පොලි­සිය, අන්ත­රා­ය­කර ඖෂධ පාලක මණ්ඩ­ලය සහ ජාතික තරුණ සේවා සභාව එක්ව මේ වැඩ­ස­ට­හන සංවි­ධාන කර තිබුණි. ඒ සඳහා කැල­ණිය, ශ්‍රී ජය­ව­ර්ධ­න­පුර හා කොළඹ සර­ස­වි­වල සිසුන් මෙන්ම ජාතික තරුණ සේවා සභා­වට අනු­බද්ධ යෞවන සමාජ සාමා­ජි­ක­යන් ඇතුළු තරුණ තරු­ණි­යන් 300 දෙනකු සම්බන්ධ කර­ගෙන තිබේ. එහි පළමු වැඩ­ස­ට­හන ලබන 05 වැනිදා පාසල් ආරම්භ වීමත් සමඟ කොළඹ රාජ­කීය විද්‍යා­ල­යෙන් ආරම්භ කිරී­මට නිය­මි­තය.

මෙහි පළමු අදි­යර බස්නා­හිර පළා­තෙන් මෙසේ ආරම්භ කළ අතර, ඉදි­රි­යේදී දිව­යිනේ සිය­ලුම දිස්ත්‍රික්ක නියෝ­ජ­නය වන පරිදි මෙලෙස කණ්ඩා­යම් බඳ­වා­ගෙන දීප ව්‍යාප්තව ‘සුර­ක්ෂිත හෙටක්’ ක්‍රියා­ත්මක කිරී­මට නිය­මි­තය.

මෙදින වැඩ­ස­ට­හනේ අර­මුණ පැහැ­දිලි කිරීම ජාතික තරුණ සේවා සභාවේ අධ්‍යක්ෂ ජන­රාල් පසිඳු ගුණ­රත්න මහතා විසින් සිදු කළ අතර, නෙල්ලි­ගල ජාත්‍ය­න්තර බෞද්ධ මධ්‍ය­ස්ථා­නයේ විහා­රා­ධි­පති කූර­ගල ආරාම සේනා­ස­නයේ භාර­කාර වතු­ර­කු­ඹුරේ ධම්ම­ර­තන නාහිමි, කෑගල්ල දිසාව භාර නියෝජ්‍ය පොලි­ස්පති රොෂාන් රාජ­පක්ෂ, ජාතික අන්ත­රා­ය­කර ඖෂධ පාලක මණ්ඩ­ලයේ සභා­පති, නීතිඥ ශාඛ්‍ය නානා­ය­ක්කාර මහ­ත්වරු උත්සව සභාව ඇමැ­තූහ.

එහිදී සභාව ඇමතූ වැඩ බලන පොලි­ස්පති දේශ­බන්දු තෙන්න­කෝන් මහතා මෙලෙස කියා සිටි­යේය.

“පාස­ල්වල මත්ද්‍රව්‍ය නිවා­ර­ණය කිරී­මට අධ්‍යා­පන අමා­ත්‍යාං­ශය ගෙන යන වැඩ­පි­ළි­වෙ­ළට ශක්ති­යක් වෙමින් අන්ත­රා­ය­කර ඖෂධ පාලක මණ්ඩ­ලය, ජාතික තරුණ සේවා සභාව සහ පොලි­සිය එක්ව ‘සුර­ක්ෂිත හෙටක්’ නමින් වැඩ­ස­ට­හ­නක් ආරම්භ කළා. ඒ සඳහා විශ්ව­වි­ද්‍යාල සිසුන් සහ යෞවන සමාජ නියෝ­ජ­නය කරන තරුණ තරු­ණි­යන් 300 දෙනකු සම්බන්ධ කර­ගෙන මේ වැඩ­ස­ට­හන පව­ත්ව­නවා. මේ වැඩ­ස­ට­හන ආචාර්ය මහා­චා­ර්ය­ව­ර­යකු පාසල් දරු­වකු ඉදි­රි­පි­ටට ගොස් මත්ද්‍රව්‍ය නිවා­ර­ණය කර­න්නැයි පැය දෙක තුනක දේශන පව­ත්ව­න­වාට වඩා මේ තරුණ තරු­ණි­යන් පාසල් සිසුන් ළඟට ගොස් මත්ද්‍ර­ව්‍ය­යෙන් ඈත් වන ලෙස කෙරෙන ඉල්ලීම ප්‍රායෝ­ගි­කව ඵල­දායී ප්‍රති­ඵ­ල­යක් ලෙස ගත හැකි බවට සමී­ක්ෂ­ණ­ව­ලින් හෙළිවී ඇති නිසා මේ වැඩ­ස­ට­හන මෙසේ ආරම්භ කළා.

ඒ අනුව ලබන 05 වැනිදා කොළඹ රාජ­කීය විද්‍යා­ලයේ හය වස­රෙන් ඉහළ පන්ති­වල සිසු­න්ගෙන් ආරම්භ කර එය දිව­යින පුරා පැවැ­ත්වී­මට නිය­මි­තයි. මේ වැඩ­ස­ට­හන ආරම්භ කිරී­මට අද­හස් කළේ රට පුරා ක්‍රියා­ත්මක යුක්තිය වැඩ­ස­ට­හ­නට අත්වැ­ලක් වීම­ටයි. එයින් මේ වෙන­කොට මත්ද්‍රව්‍ය ජාවා­ර­ම්ක­රු­වන් සිය­යට හැට­ප­හක් හිරේට යවලා ඉව­රයි. ඉතුරු ටිකත් වැඩි දවස් යන්න කලින් අත්අ­ඩං­ගු­වට ගෙන මේ ජාවා­රම රටින් අතුගා දාන්න පිය­වර ගන්නවා.

ඒ තුළින් මත්ද්‍රව්‍ය සැප­යුම සහ ඉල්ලුම පහළ යනවා. එහිදී අපේ අපේ­ක්ෂා­වන් සපුරා ගත හැකියි. මේ වෙන­කොට විශාල ප්‍රමා­ණ­යක් අපි පුන­රු­ත්ථා­ප­නය කිරී­මට පිය­වර ගන්නවා. ඒ සඳහා ලබන මස වන විට ප්‍රජා­පා­දක පුන­රු­ත්ථා­පන මධ්‍ය­ස්ථාන 300ක් ආරම්භ කරන්න දැන­ට­මත් සැල­සුම් කර තියෙ­නවා. පොලිස් වසම් දෙක­කට එක මධ්‍ය­ස්ථා­න­යක් ලෙස පටන් ගෙන පනස් දෙනකු බැගින් පුන­රු­ත්ථා­ප­නය කිරී­ම­ටත් නිය­මි­තයි. ඒ සෑම ස්ථාන­ය­කම ආග­මික සිද්ධ­ස්ථා­න­ය­කුත් සම්බන්ධ කර­නවා.”

මීට සම්බන්ධ අව­බෝ­ධතා ගිවි­සු­ම­කට වැඩ බලන පොලි­ස්පති දේශ­බන්දු තෙන්න­කෝන් මහතා සහ ජාතික තරුණ සේවා සභාවේ අධ්‍යක්ෂ ජන­රාල් පසිඳු ගුණ­රත්න මහ­ත්ව­රුන් අත්සන් තැබීය. ඊට අම­ත­රව මත්ද්‍රව්‍ය නිවා­ර­ණය පිළි­බඳ සිංහල හා දමිළ මාධ්‍ය­යෙන් සෑම දිස්ත්‍රි­ක්ක­යක්ම නියෝ­ජ­නය කර­මින් පැවති දැන්වීම්, පෝස්ටර් සහ වීඩියෝ දර්ශන නිර්මා­ණය කිරීමේ තර­ගා­ව­ලියේ ජය­ග්‍රා­හ­ක­යන්ට සහ­තික හා මුදල් ත්‍යාග දීම සිදු විය.

Leave a Reply

Your email address will not be published. Required fields are marked *