පාසල් දරුවෝ තිදෙනෙක් කළුගං පතුෙල් සැඟවෙති

උපන්දින සැමරුමක් වෙනුවෙන් කළු ගඟේ කලපුවේ ඊයේ (14) පස්වරුවේ දිය නෑමට ගිය 15 සහ16 හැවිරිදි පාසල් සිසුවියන් දෙදෙනකු සහ 17 හැවිරිදි සිසුවකු දියේගිලී මියගොස් ඇති බව කළුතර දකුණ පොලිසිය පවසයි.

කළුතර පන්විල ප්‍රදේශයේ පදිංචිව සිටි ඉවංගී මධුහාෂිනි (15), දොඩංගොඩ නැවිලියාවත්ත ප්‍රදේශයේ පදිංචිව සිටි කිවිදු සත්සර (17) සහ දොඩංගොඩ රතුකුරුස නිවාස හී පදිංචිව සිටි සුබානී සුපේසලා (16) නමැති අයවලුන් මෙසේ මියගොස් ඇති බව පොලිසිය කීය. මියගොස් ඇති සිසුවියන් දෙදෙනා මෙවර අපොස සාපෙල විභාගයට පෙනීසිටීමට නියමිතව සිටින අයවලුන් බව ද පැවසේ.

මියගොස් ඇති සිසුවා මියගොස් ඇති එක් සිසුවියකගේ පෙම්වතා බවත්, ඇයගේ මවගේ උපන් දිනය නිමිත්තෙන් විනෝදයට දියනාමින් සිටියදී මෙලෙස දියේගිලී ඇති බවත් සඳහන් වේ. ඔවුන් පළමුව කළුතර මුහුදේ දියනාමින් සිට ඇති අතර මියගොස් ඇති එක් සිසුවියකගේ ඉල්ලීම මත කළුගඟේ කළපුවට දියනෑමට පැමිණ ඇති බව ද සඳහන් වේ. සිසුවියන් දෙදෙනා පළමුව දියේගිලී ඇති බවත්, ඔවුන් දෙදෙනා බේරා ගැනීමට සිසුවා උත්සාහ ගැනීමේ දී ඔහුද දියේගිලී ඇති බවත් සඳහන් වේ.

දියනාමින් සිටි තිදෙනා දියේ ගිලී ඇති මොහොතේ උදව් ඉල්ලා කෑගැසීමේ දී අවට සිටි බෝට්ටුවලින් ගොඩගෙන 1990 සුව සැරියෙන් කළුතර නාගොඩ ශික්ෂණ රෝහලට රැගෙන ගොස් ඇති බවත්, රෝහල් ගතකිරීමේදී මියගොස් ඇති බවත් රෝහල් ආරංචි මාර්ග සඳහන් කරයි. එක් සිසුවියකගේ මවගේ උපන්දිනය ඊයේ දිනටයෙදී තිබූ බවත්, පිරිස එහි සතුට සැමරීමට ගොස් සිට ඇති බවත් ද සඳහන් වේ.

මෘතදේහ පශ්චාත් මරණ පරීක්ෂණ සඳහා කළුතර නාගොඩ ශික්ෂණ රෝහලේ තැන්පත් කර තිබේ. කළුතර දකුණ මූලස්ථාන පොලිස් පරික්ෂක රුවන් විජේසිංහ මහතාගේ උපදෙස් පරිදි විවිධ පැමිණිලි අංශයේ සැරයන් 55318 එස් ඒ ආර් කේ ද සිල්වා පරීක්ෂණ පවත්වයි.

Leave a Reply

Your email address will not be published. Required fields are marked *