ඊජිප්තු-ශ්‍රී ලංකා ද්විපා­ර්ශ්වික වෙළෙඳ ආයෝ­ජන අවස්ථා පුළුල් කිරී­මට ඊජිප්තු තානා­පති අතර හමු­වක්

ඊජිප්තුව හා ශ්‍රී ලංකාව අතර ද්විපාර්ශ්වික වෙළඳ හා ආයෝජන අවස්ථා පුළුල් කිරීම සම්බන්ධයෙන් ආයෝජන ප්‍රවර්ධන රාජ්‍ය ඇමැති දිලුම් අමුණුගම, ඊජිප්තු තානාපති මැගෙඩ් මොස්ලෙහ් මහත්වරුන් අතර හමුවක් ආයෝජන ප්‍රවර්ධන අමාත්‍යාංශයේදී පසුගියදා (10) පැවැත්විණි.

ඊජිප්තුව හා ශ්‍රී ලංකාව අතර ද්විපාර්ශ්වික වෙළඳ හා ආයෝජන අවස්ථා පුළුල් කිරීම පිළිබඳව දෙරටේ පාර්ශ්වයන්ගෙන් සිදු විය යුතු කරුණු පිළිබඳව මෙහිදී පුළුල්ව සාකච්ඡා කෙරිණි.

මේ වන විටත් සැලකිය යුතු ශ්‍රී ලංකික ව්‍යවසායකයන් පිරිසක් ඊජිප්තුවේ ආයෝජනය කර ඇති අතර, එය තවදුරටත් වර්ධනය කර ගැනීමට අවධානය යොමු විය.

වෙළඳාම, ආයෝජන සහ අනෙකුත් ක්ෂේත්‍රවල දියුණුව සඳහා ද ඇති අවස්ථා පුළුල් කර ගැනීමට මෙහිදී සාකච්ඡා කෙරුණු අතර, දෙරටේ ආර්ථික වර්ධනයෙන් දෙපාර්ශ්වයටම සමාන ප්‍රතිලාභ හිමිවන ලෙස කටයුතු කිරීමට ද එකඟතාව පළ කෙරිණි.

ශ්‍රී ලංකා ආයෝජන මණ්ඩලයේ අධ්‍යක්ෂ ජනරාල් රේණුකා වීරකෝන් මහත්මිය ද මේ අවස්ථාවට සහභාගි වූවාය.

Leave a Reply

Your email address will not be published. Required fields are marked *