බදුල්ල – කොළඹ ප්‍රධාන මාර්ගය අවහිර වෙයි

බදුල්ල – කොළඹ ප්‍රධාන මාර්ගය හාලිඇළ උඩුවර හතේ කණුව ප්‍රදේශයෙන් තවදුරටත් අවහිර වී තිබේ.
නාය යෑමක් හේතුවෙන් මාර්ගය ඊයේ (09) රාත්‍රියේ අවහිර විය.

මේ අතර මහවැලි ගගේ ජල මට්ටම ඉහළ යාමත් සමග පොළොන්නරුව – මඩකලපුව මාර්ගයේ මනම්පිටිය ගල්ලෑල්ල අතර කොටස නැවත දැනුම් දෙනතුරු වසා දමා තිබේ.

ආපදා කළමනාකරණ මධ්‍යස්ථානය ප්‍රකාශ කළේ, ජනතාවගේ ගමන් පහසුව සඳහා විශේෂ දුම්රිය සේවාවක් ද ක්‍රියාත්මක බවයි.

එසේම වාරිමාර්ග දෙපාර්තමේන්තුවේ ජලාශ 50 කට පමණ ආසන්න සංඛ්‍යාවක් වර්ෂාවත් සමග වාන් දමමින් පවතින බව වාරිමාර්ග දෙපාර්තමේන්තුව සදහන් කළේය.

එහි ජල කලමනාකරණ අධ්‍යක්ෂ සුදර්ශනී විදානපතිරණ මහත්මිය සඳහන් කළේ, සෙසු ජලාශ ද වාන් මට්ටමට පැමිණ ඇති බවයි.

සේනානායක සමුද්‍රයේ වාන් දොරටු 5 ක් සම්පුර්ණයෙන් විවෘත කර ඇති අතර ඉන් තත්පරයට ඝන අඩි 5200 ක් පහළ ප්‍රදේශවලට ප්‍රදේශවලට මුදාහරින බව වාරිමාර්ග දෙපාර්තමේන්තුව පැවසීය.

Leave a Reply

Your email address will not be published. Required fields are marked *