හිස් පත­රොම් 6ක් අරන් සිරි දළදා වඳින්න ගිහින්

ගිනි අවි සඳහා යොදාගන්නා හිස් පතරොම් 6ක් රැගෙන ශ්‍රී දළදා මාලිගාවට ඇතුළු වීමට උත්සාහ කළ කෑගල්ල ප්‍රදේශයේ පුද්ගලයෙක් ශ්‍රී දළදා මාලිගාවේ පොලිසියේ නිලධාරීන් විසින් ඊයේ (5) සැකපිට අත්අඩංගුවට ගනු ලැබීය.

සැකකරුගේ ගමන් බෑගය මහනුවර රැජින හෝටලය ඉදිරිපිට ඇති දළදා මාලිගාවේ ප්‍රධාන පිවිසුමේදී ස්කෑන් යන්ත්‍රවලට යොමු කර පරීක්ෂා කිරීමේදී මේ හිස් පතරොම් හමු වූ බව පොලිසිය පවසයි. බෝර 12 ගිනි අවි සඳහා යොදාගන්නා මේ හිස් පතරොම් තමන් සතු නීත්‍යනුකූල ගිනි අවිය සඳහා යොදාගත් ඒවා බව සැකකරු පොලිසියට පවසා තිබේ. අසනීප තත්ත්වයක් සඳහා ප්‍රතිකාර ගැනීමට මහනුවර පැමිණි අවස්ථාවේ දළදා සමිඳු වැඳපුදාගැනීමට ගිය බවත්, ගමන් බෑගයේ හිස් පතරොම් තිබෙන බවක් නොදැන සිටි බවත් සැකකරු පොලිසියට පවසා තිබෙන අතර, පොලිසිය ඒ සම්බන්ධයෙන් විමර්ශන ආරම්භ කර ඇත.

Leave a Reply

Your email address will not be published. Required fields are marked *