කෝටි 3ක භාණ්ඩ තොගයක් සමඟ සිව්දෙනෙක් අත්අඩංගුවට

තීරුබදු ඇතුළු අනෙකුත් රජයට අයවිය යුතු බදු නොගෙවා මෙරටට ගෙනා කෝටි 3කට ආසන්න වටිනාකමකින් යුතු භාණ්ඩ තොගයක් සමඟ සිව්දෙනෙකු කටුනායක ගුවන් තොටුපොළ පොලීසිය විසින් අත්අඩංගුවට ගෙන තිබෙනවා.

ඒ අනුව සැකකරුවන් විසින් සූක්ෂම ලෙස සියලු පරීක්ෂණ ආයතන මගහරිමින් එම භාණ්ඩ ගුවන් තොටුපොළෙන් පිටකරගෙන යමින් සිටියදී කොට්ඨාස බුද්ධි තොරතුරු ඒකකයේ නිලධාරීන් වෙත ලද තොරතුරකට අනුව මෙම වැටලීම සිදුකර ඇති බවයි පොලීසිය සඳහන් කළේ.

මෙලෙස අත්අඩංගුවට ගෙන ඇත්තේ කැලණිය, වීරකැටිය, පුත්තලම සහ කොලොන්නාව යන ප්‍රදේශවල පදිංචි සිව්දෙනෙක් වන අතර මෙම පිරිස දෛනිකව මෙලෙස ඩුබායි ඇතුළු විවිධ රටවල් වෙත ගොස් භාණ්ඩ නීති විරෝධී ලෙස ශ්‍රී ලංකාව වෙත රැගෙනවිත් ඇති බවට මූලික පරීක්ෂණවලදී අනාවරණය වී ඇති බවයි පොලීසිය සඳහන් කළේ.

පොලිස් භාරයට ගෙන ඇති භාණ්ඩ අතර ලැප්ටොප් පරිගණක, ඇපල් ජංගම දුරකථන ඇතුළු විවිධ මාදිලියේ ජංගම දුරකථන, ජංගම දුරකථන උපාංග, විදෙස් දුම්වැටි, ස්වර්ණාභරණ, විවිධ වර්ගයේ මත්පැන්, සුවඳ විළවුන් සහ මෝටර් රථ අමතර කොටස් ඇති බවයි වැඩිදුරටත් සඳහන් වන්නේ.

Leave a Reply

Your email address will not be published. Required fields are marked *