දරුවා වැල් පාලමෙන් එගොඩ කළා​ට කරේ තිබ්බ පංචායුධෙත් නෑ, ඇඳන් හිටිය එකත් නෑ – අනුර

රට ගොඩ ගැනීමට නම් දේශපාලනයකින් තොරව වැරදි කළ සියලු පුද්ගලයින් ඉවත් කළ යුතු බව ජාතික ජන බලවේගයේ නායක අනුර කුමාර දිසානායක පවසනවා.

ඒ අනුව රට හුදෙක් දේශපාලන පරිවර්තනයකින් පමණක් ගොඩගැනීමට නොහැකි බවත්, රට ගොඩ නැගීමට නම් ජාතිය අලුතෙන් අවදි කළ යුතු බවයි අද (13) පාර්ලිමේන්තුවේ අයවැය විවාදයට එක්වෙමින් ඔහු සඳහන් කළේ.

මෘදුකාංග වෙළඳපොළට බදු පැනවීම හරහා මෙරට ස්ථාපිත සමාගම් වෙනත් රටවලට යාමට හැකි බවත්, රජය බදු පනවා ඇති ආකාරයට ලංකාවේ සමාගමක් ලංකාව තුළ ඇති මෘදුකාංග සමාගමකින් මෘදුකාංගයක් මිලදී ගතහොත් වැට් බද්දට යටත් වන බවත්, නමුත් එය විදෙස් සමාගමකින් මිලදී ගතහොත් වැට් බද්දෙන් නිදහස් වන බවයි ඔහු පෙන්වා දෙන්නේ.

මෙරට තිබෙන සමාගම් කිහිපයද රටින් ඉවත් කර ගැනීමට රජය නීති සාදා ඇති බවත්, එලෙස නීති සාදා දරුවා යාන්තමින් වැල් පාලමෙන් එගොඩ කළ බවට පසුව රජය ප්‍රකාශ කරන බවයි ඔහු සඳහන් කළේ.

නමුත් දරුවා ඇඳ සිටි කලිසම හෝ සපත්තු හෝ පංචායුධයද නැතිවී ඇති බවත්, රටට මේ අවස්ථාවේ සිදුව ඇත්තේද එවැනි ආකාරයේ දෙයක් බවයි ජාතික ජන බලවේගයේ නායක අනුර කුමාර දිසානායක වැඩිදුරටත් සඳහන් කළේ.

Leave a Reply

Your email address will not be published. Required fields are marked *