විජයකලා මහේෂ්වරන් නිදහස් කෙරේ
ඇප මත මුදාහැර සිටි හිටපු රාජ්‍ය ඇමතිනී විජයකලා මහේෂ්වරන් නීතිපති උපදෙස් මත නිදහස් කිරීමට කොළඹ මහේස්ත්‍රාත් අධිකරණය අද (19) නියෝග කර තිබෙනවා.
2018 වසරේ කොටි සංවිධානය යළි නගා සිටුවිය යුතු බවට ප්‍රකාශයක් සිදුකළේ යැයි කියන සිද්ධියක් සම්බන්ධයෙන් හිටපු රාජ්‍ය ඇමතිනී විජයකලා මහේෂ්වරන්ට චෝදනා එල්ල වූ අතර එය සම්බන්ධයෙන් මීට පෙර ඇප නියම කර තිබුණා.
මෙම සැකකාරියට එරෙහිව නඩු කටයුත්තක් පවත්වාගෙන යාමට ප්‍රමාණවත් කරුණු නොමැති බවට නීතිපතිවරයා විසින් උපදෙස් ලබාදී ඇති බව මීට පෙර පොලීසිය අධිකරණයට දැනුම් දී තිබුණා.
